fbpx

【在職媽媽|網購篇】

2019-05-10
我嘅另一習慣,就係網購。我發現,好多在職媽媽都有呢個習慣。網購幫我哋節省好多時間,一程車,已經買咗幾條裙(限時減價)俾個女。放工,一支箭咁返屋企,而家仲邊有時間好似做女嗰陣咁周圍逛。

送小朋友去學嘢亦係危險時候,坐喺度等,見到本兒童圖書幾好喎,左㩒右㩒又買咗另外幾本兒童圖書、益智遊戲、Hello Kitty文具套裝可以下次有小朋友生日做禮物、之後再搭埋三個洗衣機清潔球、收肚腩褲、雜物收納袋……

你見到你個friend喺Facebook comment 1pls,買九因歌乘法聲音書,嘩佢個仔讀緊PN咋喎,你又忍唔住1pls……仲有dXX神器,好容易得到貪靚嘅媽媽們嘅歡心,結果買咗一堆神器喺屋企。所以話,女人嘅錢係最容易賺,媽媽們嘅錢係更容易賺!平時一向都好精明嘅媽媽們,喺網上總係一世英明一朝喪。

老公嘅角色呢?當然就係幫忙去智能櫃攞貨啦!智能櫃嘅好處,除咗比寄去屋企平啲,就係免卻咗寄去公司嘅尷尬,除非你同個reception好friend… 唔係,俾人唱通街就唔好啦!「淘寶王后又收貨喇!」

有次有個同事應該喺淘寶訂緊私人嘢,我敲門入去問佢嘢,嚇到佢收都收唔切,不過,因為淘寶啲視窗會不斷彈出來,收極都收唔哂,勁尷尬!

而家有啲購物平台,甚至會做埋員工嘅購物的優惠俾公司,等佢地可以打正旗號可以喺公司度shopping, 又可以幫HR搜邏員工福利俾啲員工,仲可以連接公司嘅激勵計劃,作為激勵員工嘅奬勵添!啱哂d媽咪。

🌻🌻🌻🌻🌻🌻🌻🌻🌻🌻
Progress isn’t made by early risers. It’s made by lazy men trying to find easier way to do something.
– Robert Heinlein
HR Siri

💟💟💟💟💟💟💟💟💟💟💟💟
🤗HR Siri希望成為您的虛擬助理,一起面對生活中的種種挑戰。
🙌 🙌如果大家在職場或家庭遇到甚麼趣事或煩惱,都可以告訴HR Siri。
💌歡迎在👇下面留言,或者WhatsApp 9169-4738,一起分享您的喜與樂!

#LoooKLearningBrand #HRSiri #WorkingMumColumm