对好多年纪细慨小朋友嚟讲，妈妈放假时见番平时返工慨妈妈，都系一件要适应慨事情。

三岁慨细女平时习惯我一早食完早餐就同渠讲goodbye，放假嗰阵见我仲未醒，日日走入嚟叫醒我，仲不停问我点解唔驶返工。好似我系唔应该喺呢个时间出现喺呢个时空慨外星人咁。

因为姐姐放假，我要负责带渠去兴趣班，渠可能未试过妈妈带，一时之间适应唔到，变咗贴身膏药，死都唔肯入去，大喊起来。老师话好多小朋友由妈妈送来都会系咁，爸爸送慨通常都冇呢啲情况（爸爸，自我检讨一下喇！)。

放假留喺屋企，先知平时渠哋慨生活系咁慨，原来玩呢啲嘢，讲咁多嘢，咁可爱，不禁会觉得，好似错过咗好多渠哋成长慨日子咁。

如果系长辈凑，放假时慨大发现仲多，发现平时婆婆嫲嫲系唔经唔觉咁纵惯咗小朋友，终于明白点解平时自己讲极渠都唔听。因为，你放假时才发现，原来你系你屋企唯一一个衰人。

有次姐姐放假返家乡第一晩，我夜晚同细女瞓。渠半夜起身痾wee wee, 朦胧间以为我系姐姐，同我讲”Aunty, wee wee!” 我为咗令渠可以继续瞓，于是讲英文扮咗一阵姐姐。点知口音可能扮得唔似，渠清醒后赫然发现我唔系姐姐，喊到收唔到声。你放假时才发现，原来你喺渠心目中慨地位，比你想像中仲要低。

不过你都唔需要妒忌姐姐喺你仔女心中慨地位高过你，因为姐姐喺自己屋企都面对同一个境况，佢仲要系一个远离家乡慨在职妈妈。比起上嚟，你已经幸福得多。多啲珍惜同仔女相处慨时光！

“To be in the children’s memories tomorrow, you have to be in their lives today.” ~Barbara Johnson

HR Siri

????????????
HR Siri希望成为您的虚拟助理，一起面对生活中的种种挑战。 ?
?如果大家在职场或家庭遇到什么趣事或烦恼，都可以告诉HR Siri。
?欢迎在?下面留言，或者WhatsApp 9169-4738，一起分享您的喜与乐！

#LoooKLearningBrand #HR Siri #WorkingMumColumn