fbpx

【职场上的未生】- HR Siri

2020-06-16

近排同步一次过煲咗几套韩剧,除咗大热必看慨〈夫妻的世界〉之外,仲包括一些之前好想睇但系冇时间睇慨,当中,就包括2014年慨一套神剧〈未生〉。睇完顿时正能量返哂嚟!

〈未生〉系透过一个职场新鲜人慨角度,去写办公室慨各种角力及政治,剧中每一个角色都好写实,令我谂起好多年前BBC处境喜剧”The Office”慨角色。渠系一套十分反映现实(除咗入面主角成日去慨透气天台靓景只能令香港人羡慕)慨剧集,令人会心微笑,又会感动落泪。

四个初生之犊不畏虎慨新鲜人,初进办公室之后面对种种困难同不公平慨对待,睇佢哋如何在罅缝之中找到生存慨机会,就如清泉一样,可爱又可笑,令我谂起自己初出茅庐慨时候。一个不懂擦鞋但对业务充满浪漫激情、表面恶死但心存大爱慨老臣子科长,同下属之间慨亦师亦友慨关系,又系令人津津乐道。

结局系极现实,令人谂乜嘢系每人自己应走慨路,一句「其实地上本没有路,走的人多了,也便成了路。」完美的点缀了成个剧集慨正向思想。象棋中慨「未生」概念,亦都恰好地穿梭在剧情中,与剧名及男主角慨背景紧紧相扣。棋子一日还在棋盘上,终能连成一线,就能发生变化,make a difference。

快到七月,又系年轻毕业生进入职场慨月份,诚意推介〈未生〉呢套韩剧。做嘢做到滑咗牙慨一众海鲜们,也应该睇睇,搵返自己份初心。未搵到工慨毕业生,今年系好大挑战,但系路系人行出嚟慨,加油!边搵工边煲剧!

HR Siri

💟💟💟💟💟💟💟💟💟💟💟💟
🤗HR Siri希望成为您的虚拟助理,一起面对生活中的种种挑战。 🙌
🙌如果大家在职场或家庭遇到什么趣事或烦恼,都可以告诉HR Siri。
💌欢迎在👇下面留言,或者WhatsApp 9169-4738,一起分享您的喜与乐!
#LoooKLearningBrand #HR Siri #WorkingMumColumn