新正头，HR Siri祝大家万事如意、身体健康、百毒不侵、口罩常满！

喺呢个完全冇新年气氛慨新年假期往后慨几个星期，最多慨时间梗系喺度对抗疫情啦！小朋友停课一个多月，所有慨爸爸妈妈喺度扑口罩酒精搓手白米厕纸2盒thx……作为HR慨我哋日日都要留意疫情慨发展，plan 定下星期慨工作安排、同再下星期慨安排⋯⋯同埋订立唔同慨应对慨人事政策，以保持consistency又唔会令同事太担心。

呢几个星期好多公司都奉政府吁实行work from home (WFH), 以减少互相感染慨机会，作为大企业大家都多数跟。一众在职父母虽然未必有机会去行山，但系WFH时有几productive呢？

本来WFH系冇问题慨，问题系你WFH时你屋企慨老细都系WFH! 超级嘈吵慨屋企、每十分钟叫一次妈咪、坐喺你大脾搞你部电脑、环回立体声乱入你同大老细慨conference call应该都系大家都面对紧慨问题。还记得几年前那个被全家人乱入渠直播紧慨访问慨外国教授吗？有小朋友你就知道系绝对唔奇怪慨事。

停课呢段时间仲要不断安排活动去消磨小朋友慨时间，因为唔可以出去其他地方放电，唯有搬哂不同慨教育网页、暑期作业、填色习作、益智游戏出嚟充撑场面⋯⋯实在绞尽脑汁。好在好多学校都开始透过网上平台发放作业，终于可以有啲寄托，有番个纪律。

有妈妈仲同HR Siri讲，每日WFH喺屋企唔系闹阿仔(唔肯做功课)、闹姐姐(唔洗手)、就系闹老公(WFH又唔帮个仔做功课唔帮手闹姐姐唔洗手)⋯⋯病毒杀唔死渠，但系日日FTM仲要FTWFH反而杀死渠！

仲有起码一个月，各位爸爸妈妈要加油呀！身体健康最紧要！呢个时势公司有得WFH已经好好！ Btw Admin上身，如果想逃避home大家系欢迎继续番office㗎?，不过你哋lunchtime用嚟夹住口罩张纸系张print错咗慨彩印功课我睇到㗎，悭啲驶呀唔该?

HR Siri

????????????
?HR Siri希望成为您的虚拟助理，一起面对生活中的种种挑战。 ?
?如果大家在职场或家庭遇到什么趣事或烦恼，都可以告诉HR Siri。
?欢迎在?下面留言，或者WhatsApp 9169-4738，一起分享您的喜与乐！

#LoooKLearningBrand #HR Siri #WorkingMumColumn