喺大是大非嘅時候，仲講咩working mum嘅日常？不過喺呢種時勢，無論內心有多激動、痛心、迷惘，一眾working mum每日仍然要面對同處理現實嘅瑣事。

?‍♀️踏入暑假，係煩惱嘅開始。可能你會諗：暑假唔駛返學仲煩？就係因為唔駛返學先煩! 平時你返工佢返學，暑假嘅來臨突然間break咗個equilibrium ，唔單止要搶閘攞暑假檔期AL安排旅行，仲要為小朋友安排暑期活動，等佢唔好無所事事，講到呢方面香港嘅家長真的好拿手！好多暑期活動都係手快有手慢冇，有啲平嘅仲要喺特定的時間去上網報名或去中心抽簽。呢頭先搞掂派位，嗰頭又要開始忙碌了。

✈️如果想同小朋友去旅行，仲要睇下你公司上下左右係咪都係working parents, 如果係，攞假一定爭崩頭！如果香港公司好似外國咁可以全公司一齊放暑假抖下暑咪幾好!或者起碼俾d working mum可以放假。因為book機票酒店交通主題公園門票plan親子行程通常都係阿媽搞!

⏰仲有，暑假後新一學年所有課外活動又要重新安排時間表：如果仔女係幼稚園升上小一的分分鐘係由半日變全日、由下午返學轉上午返學，簡直是牽一髪動全身，乾坤大挪移，仲未計註冊迎新準備開學買書包文具仲要夾埋旅行同暑期活動時間表！

難怪之前有個同事離職之後，喺她嘅handover folder入面發現了她三個仔女嘅暑期活動excel table! 呢啲咁複雜嘅工程，唔喺公司做幾時做呢？明嘅！

?‍??‍?遇著好似HR Siri咁撞正嗰年小朋友畢業，仲要幫手搞埋畢業聚餐，雖然身為HR返工都成日搞event可謂架輕就熟，但同一班家長夾份搞又係另外一個挑戰。畢竟人多就多意見，仲有好多超高要求的全職家長，比老細更追求完美，由場地食物佈置攝影禮物回禮遊戲畢業袍，一絲不苟！我們這些working mum業餘幫忙，真係好具挑戰性！一日睇住幾個working group嘅whatsapp group, 一日48小時都唔夠用！

所以，咁忙碌嘅家長們仲會搵時間走出去表達意見，身為人母嘅應該感受到大家嘅訴求係幾咁強烈!

HR Siri

????????????
?HR Siri希望成為您的虛擬助理，一起面對生活中的種種挑戰。?
?如果大家在職場或家庭遇到甚麼趣事或煩惱，都可以告訴HR Siri。
?歡迎在?下面留言，或者WhatsApp 9169-4738，一起分享您的喜與樂！

#LoooKLearningBrand #HR Siri #WorkingMumColumn