喺大是大非慨时候，仲讲咩working mum慨日常？不过喺呢种时势，无论内心有多激动、痛心、迷惘，一众working mum每日仍然要面对同处理现实慨琐事。

?‍♀️踏入暑假，系烦恼慨开始。可能你会谂：暑假唔驶返学仲烦？就系因为唔驶返学先烦! 平时你返工渠返学，暑假慨来临突然间break咗个equilibrium ，唔单止要抢闸攞暑假档期AL安排旅行，仲要为小朋友安排暑期活动，等渠唔好无所事事，讲到呢方面香港慨家长真的好拿手！好多暑期活动都系手快有手慢冇，有啲平慨仲要喺特定的时间去上网报名或去中心抽签。呢头先搞掂派位，嗰头又要开始忙碌了。

✈️如果想同小朋友去旅行，仲要睇下你公司上下左右系咪都系working parents, 如果系，攞假一定争崩头！如果香港公司好似外国咁可以全公司一齐放暑假抖下暑咪几好!或者起码俾d working mum可以放假。因为book机票酒店交通主题公园门票plan亲子行程通常都系阿妈搞!

⏰仲有，暑假后新一学年所有课外活动又要重新安排时间表：如果仔女系幼稚园升上小一的分分钟系由半日变全日、由下午返学转上午返学，简直是牵一髪动全身，乾坤大挪移，仲未计注册迎新准备开学买书包文具仲要夹埋旅行同暑期活动时间表！

难怪之前有个同事离职之后，喺她慨handover folder入面发现了她三个仔女慨暑期活动excel table! 呢啲咁复杂慨工程，唔喺公司做几时做呢？明慨！

?‍??‍?遇着好似HR Siri咁撞正嗰年小朋友毕业，仲要帮手搞埋毕业聚餐，虽然身为HR返工都成日搞event可谓架轻就熟，但同一班家长夹份搞又系另外一个挑战。毕竟人多就多意见，仲有好多超高要求的全职家长，比老细更追求完美，由场地食物布置摄影礼物回礼游戏毕业袍，一丝不苟！我们这些working mum业余帮忙，真系好具挑战性！一日睇住几个working group慨whatsapp group, 一日48小时都唔够用！

所以，咁忙碌慨家长们仲会搵时间走出去表达意见，身为人母慨应该感受到大家慨诉求系几咁强烈!

HR Siri

????????????
HR Siri希望成为您的虚拟助理，一起面对生活中的种种挑战。 ?
?如果大家在职场或家庭遇到什么趣事或烦恼，都可以告诉HR Siri。
?欢迎在?下面留言，或者WhatsApp 9169-4738，一起分享您的喜与乐！

#LoooKLearningBrand #HR Siri #WorkingMumColumn