fbpx

近排同步一次過煲咗幾套韓劇,除咗大熱必看嘅〈夫妻的世界〉之外,仲包括一些之前好想睇但係冇時間睇嘅,當中,就包括2014年嘅一套神劇〈未生〉。睇完頓時正能量返哂嚟! 〈未生〉係透過一個職場新鮮人嘅角度,去寫辦公室嘅各種角力及政治,劇中每一個角色都好寫實,令我諗起好多年前BBC處境喜劇”The Office”嘅角色。佢係一套十分反映現實(除咗入面主角成日去嘅透氣天台靚景只能令香港人羡慕)嘅劇集,令人會心微笑,又會感動落淚。 四個初生之犢不畏虎嘅新鮮人,初進辦公室之後面對種種困難同不公平嘅對待,睇佢哋如何在罅縫之中找到生存嘅機會,就如清泉一樣,可愛又可笑,令我諗起自己初出茅廬嘅時候。一個不懂擦鞋但對業務充滿浪漫激情、表面惡死但心存大愛嘅老臣子科長,同下屬之間嘅亦師亦友嘅關係,又係令人津津樂道。 結局係極現實,令人諗乜嘢係每人自己應走嘅路,一句「其實地上本沒有路,走的人多了,也便成了路。」完美的點綴了成個劇集嘅正向思想。象棋中嘅「未生」概念,亦都恰好地穿梭在劇情中,與劇名及男主角嘅背景緊緊相扣。棋子一日還在棋盤上,終能連成一線,就能發生變化,make a difference。 快到七月,又係年輕畢業生進入職場嘅月份,誠意推介〈未生〉呢套韓劇。做嘢做到滑咗牙嘅一眾海鮮們,也應該睇睇,搵返自己份初心。未搵到工嘅畢業生,今年係好大挑戰,但係路係人行出嚟嘅,加油!邊搵工邊煲劇! HR Siri ???????????? ?HR Siri希望成為您的虛擬助理,一起面對生活中的種種挑戰。? ?如果大家在職場或家庭遇到甚麼趣事或煩惱,都可以告訴HR Siri。 ?歡迎在?下面留言,或者WhatsApp 9169-4738,一起分享您的喜與樂! #LoooKLearningBrand

呢排好多人話要適應疫情後嘅新常態,對於我哋呢啲父母們嚟講,究竟咩係新常態?喺我嘅觀察同親身經驗,總括嚟講有以下幾點: 1. 激活創意 史無前例嘅幾個月嘅停課,大人喊苦,小朋友覺得悶。好多父母都費盡心思,各出奇招,絞盡腦汁,諗啲有益身心嘅活動:焗蛋糕、做手工、填色遊戲、家中運動、自製玩具⋯甚至,自己剪髮、做facial等等。 2. 電子化 今次疫情令好多家長對小朋友用電子產品嘅防線極速下降,之前死都唔肯俾小朋友看YouTube 短片或者打遊戲機嘅家長,呢幾個月都失手。有朋友仲需要專登買一部平板電腦俾個小朋友用,因為原因係老師需要佢每日自己上網上堂做功課,當大人又要WFH同埋煲劇嗰陣,家中每人有部device方便好多,甚至要加大埋個Wi-Fi添。 3. 宅在家取代外出 我哋開始習慣,好多活動原來喺屋企都可以做到,例如上班、上堂、同朋友聚會、睇音樂劇、欣賞芭蕾舞、聽演唱會,甚至睇醫生⋯⋯我哋對外出嘅意欲愈來愈低。 4.加強清潔衛生 好多人家中多咗好多清潔嘅流程,由入門口一刻開始,已經有一連串嘅消毒嘅過程,並會買埋好多平時唔會用嘅清潔消毒用品,相信呢個將會成為一個日常習慣。 疫情後,好多事情都變得不一樣,就讓我哋擁抱新常態! HR Siri ???????????? ?HR

仲細時,轉工係容易嘅決定,做完兩三年,邊度人工高啲、福利好啲、前途光明啲、好玩啲、又或者頂唔順而家個老細就會轉。但係對於我哋呢啲年紀、事業已經發展到一個地步、有家庭嘅人嚟講,轉工嘅選擇好多時候都要以家庭為上。轉工嘅時候,考慮嘅都不外乎公司近唔近屋企?有冇彈性?有冇時間放喺小朋友身上呢?要上大陸或者成日出trip嘅會諗,會唔會要同家人分開呢?幾密幾耐? 有時諗諗吓,都係決定唔轉,但係又會面臨「中年危機」嘅問題。以前「中年危機」多發生喺男性身上,並且時間會長一點,但係而家事業型女性愈來愈多,佢哋感受到「中年危機」亦愈來愈普遍及愈來愈長。 人去到中年,唔係想變「廢中」,但係現實就係唔到你再周圍轉,始終都要揾一個落腳點安定落嚟,並且將我們嘅生活定點係一個比較容易控制嘅範圍裏面。你每日嘅生活,開始慢慢變咗返工係為咗放工,搵夠然後返去幫小朋友溫考試做功課,呢個就可能係我哋在職父母生命嘅必經階段。 到小朋友大個咗,開始獨立離巢,嗰份失落感就會嚟啦。屋企無人需要你湊,除非上到位,如果唔係,喺公司開始變咗夾心階層甚至漸漸唔需要你,無可避免地向下滑或者被淘汰,踏入所謂「中年危機」。呢個時候,現實令到佢哋已經唔能夠再發威,於是慢慢就被變成自己小時候最憎嘅公司嘅老油條。但係又唔可以冇咗份工,於是,少做少錯,加上多年嘅鍛練,手腕已經變得非常之老練,吹你唔脹,又奈你唔何。 HR Siri為咗唔好慢慢墮入呢個中年危機而不自知,不停地鞭策自己離開安舒區,不讓自已become complacent。面對未來,你會如何選擇面前嘅路?把握眼前嘅時機? HR Siri ???????????? ?HR Siri希望成為您的虛擬助理,一起面對生活中的種種挑戰。? ?如果大家在職場或家庭遇到甚麼趣事或煩惱,都可以告訴HR Siri。 ?歡迎在?下面留言,或者WhatsApp 9169-4738,一起分享您的喜與樂! #LoooKLearningBrand #HR

新正頭,HR Siri祝大家萬事如意、身體健康、百毒不侵、口罩常滿! 喺呢個完全冇新年氣氛嘅新年假期往後嘅幾個星期,最多嘅時間梗係喺度對抗疫情啦!小朋友停課一個多月,所有嘅爸爸媽媽喺度撲口罩酒精搓手白米廁紙2盒thx......作為HR嘅我哋日日都要留意疫情嘅發展,plan 定下星期嘅工作安排、同再下星期嘅安排⋯⋯同埋訂立唔同嘅應對嘅人事政策,以保持consistency又唔會令同事太擔心。 呢幾個星期好多公司都奉政府籲實行work from home (WFH), 以減少互相感染嘅機會,作為大企業大家都多數跟。一眾在職父母雖然未必有機會去行山,但係WFH時有幾productive呢? 本來WFH係冇問題嘅,問題係你WFH時你屋企嘅老細都係WFH! 超級嘈吵嘅屋企、每十分鐘叫一次媽咪、坐喺你大脾搞你部電腦、環迴立體聲亂入你同大老細嘅conference call應該都係大家都面對緊嘅問題。還記得幾年前那個被全家人亂入佢直播緊嘅訪問嘅外國教授嗎?有小朋友你就知道係絕對唔奇怪嘅事。 停課呢段時間仲要不斷安排活動去消磨小朋友嘅時間,因為唔可以出去其他地方放電,唯有搬哂不同嘅教育網頁、暑期作業、填色習作、益智遊戲出嚟充撐場面⋯⋯實在絞盡腦汁。好在好多學校都開始透過網上平台發放作業,終於可以有啲寄託,有番個紀律。 有媽媽仲同HR Siri講,每日WFH喺屋企唔係鬧阿仔(唔肯做功課)、鬧姐姐(唔洗手)、就係鬧老公(WFH又唔幫個仔做功課唔幫手鬧姐姐唔洗手)⋯⋯病毒殺唔死佢,但係日日FTM仲要FTWFH反而殺死佢! 仲有起碼一個月,各位爸爸媽媽要加油呀!身體健康最緊要!呢個時勢公司有得WFH已經好好!Btw Admin上身,如果想逃避home大家係歡迎繼續番office㗎?,不過你哋lunchtime用嚟夾住口罩張紙係張print錯咗嘅彩印功課我睇到㗎,慳啲駛呀唔該? HR

兩位冰雪公主第二集上映, 全城又掀起一番熱潮,我哋兩個中哂毒嘅小公主已經率先在第一個上映嘅週末就看了。 講起同小朋友睇戲,相信大家都有很多有趣嘅經歷。首先,幾多歲先至係適合帶小朋友入戲院呢?我自己則等到五歲先帶大囡第一次去睇戲,我以為算遲啦,仲帶埋三歲嘅細囡一齊去。結果......我覺得為己為人,係應該遲啲先帶小朋友入戲院的。 一個三歲嘅小朋友喺一個戲院裏係會好按捺不住的,加上佢哋張椅子又坐得唔舒服,因為腳仔短得滯成日摺埋咗,於是兩下就要坐大脾,而且只能去一些沒有特別音效的戲院,如果音響太勁好易嚇親。父母們仲有要不斷應付她們連珠發砲式對劇情的問題,仲成日問「完未呀?」往往最尷尬的就係全塲靜默之後佢哋突然大聲爆一句嘢出嚟,變咗一個笑位。另外,最好去一啲行距比較寬敞的戲院,等佢陣間興奮嗰陣唔好踢到前面個位。當然仲要去哂廁所先,如果唔係,張戲飛真係好唔抵。 如果怕小朋友驚,可以約埋佢哋嘅朋友仔一齊去,可以壯吓膽,要驚就一齊驚。不過,佢哋會忍唔住討論劇情。我發覺,有時候睇佢哋嘅反應、聽佢哋講嘅嘢分分鐘係好睇過套戲! 小朋友有時候睇完戲之後無法抽離,代入咗入面嘅主角,要狂loop番入面嘅歌或者要著佢哋嘅衫。除咗要買主角嘅產品之外,我女兒仲有次同我講佢喺張床度好似聽到戲入面嘅歌聲(幻聽?)... 近期周圍也像地雷陣,舖天蓋地都是兩位公主的產品,帶小朋友出街好危險! 公司都有搞員工及親友嘅電影夜,係我哋每年最受歡迎嘅員工活動之一,因為有得免費睇戲唔駛撲飛之餘仲可以同其他聯誼一下,一舉兩得。仲有,熄咗燈就唔駛social,比較輕鬆。 HR Siri ???????????? ?HR Siri希望成為您的虛擬助理,一起面對生活中的種種挑戰。? ?如果大家在職場或家庭遇到甚麼趣事或煩惱,都可以告訴HR Siri。 ?歡迎在?下面留言,或者WhatsApp 9169-4738,一起分享您的喜與樂! #LoooKLearningBrand

每逢十月尾,家長們都似乎會靜了下來,週末約大家去聚會時,個個都說:「要溫書啊!」甚至乎連小朋友十月份的生日會也要讓步,延遲或提早慶祝。 我們家的大女兒升上了小一,也開始要測驗,幸好她的學校教得不太深,每星期默書也溫得很頻密,所以溫習並不太困難,只是花了少許時間買了點補充練習,加上我根據學校的工作紙出了一些類似的試卷給她做,暫時便能應付到,她也很喜歡做媽媽親手出的試卷。 如果沒有時間,網上找到一些家長試卷分享群組,也會得到很多寶物。其實小朋友最難掌握的是看題目的技巧,也很大意,很多時都會看漏眼或看錯了,便會答漏或答錯,只要多練習就會習慣。 有時候他們的答案也會令你啼笑皆非,例如:我女兒的常識卷中有一題是問圖中的小朋友是否帶了合適的物品上學,圖片是一個小朋友拿著一支單簧管,描述是「今天放學之後有樂器班,因此我要帶樂器上學。」我女兒寫了(X),我問她為什麼覺得是錯誤,她說因為小朋友是在放學之後才上樂器班,而且她不知道樂器班是可以在學校上的,所以她認為不用帶樂器上學。你又不能說她錯啊!因為在她經驗裡的樂器班是在校外上的。 測驗季節?,也曾試過在辦公室的大型釘裝機旁見到隔離部門某高層在放工時間後出沒,為什麼他不交文件給秘書處理?仔細一看,原來他拿著的是A3大小中一的數學筆記,大家雙目交投,會心微笑。「屋企個釘書機唔夠大。」他補充說。 辛苦了,家長們。距離考試還有一個多月,稍作休息一下再衝刺吧! HR Siri ???????????? ?HR Siri希望成為您的虛擬助理,一起面對生活中的種種挑戰。? ?如果大家在職場或家庭遇到甚麼趣事或煩惱,都可以告訴HR Siri。 ?歡迎在?下面留言,或者WhatsApp 9169-4738,一起分享您的喜與樂! #LoooKLearningBrand #HR Siri

公眾假期的前夕,大女面露興奮的問我:媽媽,聽日係特別日子,你唔駛番工,可唔可以瞓你張床?女兒習慣了一些特別日子就會在我床睡,例如爸爸出trip、長假期、生病等。但是,每次她睡在我旁邊,我總是不能好好的休息。小孩身體一進入睡眠狀態,便會開始一百八十度的自轉,手腳也會不受控制的擺動,一隻手撥過來,即使king size床也不能幸免被打中。 女兒出生前,別人總是說:有得你瞓就好瞓喇!女兒出生後,終於明白眠乾睡濕的意思,尤其是小朋友生病的時候,半夜總是起床幾次。這幾年來,公私兩忙,失眠的夜晚也多了。尤其是上班有壓力、放假都不能輕鬆下來的時候,總是睡得不好。久而久之,即使很累,睡眠時間卻愈來愈短,又或者半夜醒來後很難再入睡,總要弄這弄那,消磨時間一會兒才能再次睡去。 和小朋友說睡前故事時,反而最容易入睡,尤其是講那些講了幾十次的睡前故事,小孩未睡自己卻睡著了⋯⋯有時太眼瞓,朦朧之中漏了一些重要的情節,被要求零分重講。 心理學家有教導一些睡前放鬆的呼吸練習,例如意念鬆馳法、腹式呼吸等,都有助於改善睡眠質素。改變飲食習慣也有些作用,如少喝一些含咖啡因的飲料或少吃太刺激的食物。睡覺前也盡量避免看些令情緒太波動的東西,浸泡一下足浴也可助入睡。 爸媽們有沒有其他的睡好覺良方,不妨分享一下! HR Siri ???????????? ?HR Siri希望成為您的虛擬助理,一起面對生活中的種種挑戰。? ?如果大家在職場或家庭遇到甚麼趣事或煩惱,都可以告訴HR Siri。 ?歡迎在?下面留言,或者WhatsApp 9169-4738,一起分享您的喜與樂! #LoooKLearningBrand #HR Siri

今年有一個非一般的開學日,兩個女兒一個升小一,一個升K1, 加上三號風球、連綿大雨以及要趕回公司處理一些緊急狀況。 昨晚已經特地調教了兩個鬧鐘,比平時的起牀時間提早半小時。今早一睜開眼睛,就是開電視看看三號風球是否仍然懸掛-是,妹妹停課(理少一個 ?);再看看交通情況,有沒有交通工具回公司-港鐵全面恢復;之後立刻檢查家姐是否已經起來,幸好見到她已經在吃早餐 ????。 窗外下著大雨,還有少少時間,等雨勢較細才出去,乘機準備一下家姐第一天上小學的心情,問下佢記不記得班主任個名,還記得?…一邊吃個藜麥早餐,一邊回答妹妹問自己點解唔駛番學、點解家姐要番學、點解三號風球、點解落大雨等一連串問題。 食完早餐就馬上幫家姐換校服,自己換件衫及畫了兩條眼眉(試過淨係畫咗一條)就趕快出門口。電梯裡面,問她有沒有放茶點盒入書包,她說有?。湊巧,旁邊一對母子也在討論有沒有放剪刀入筆袋。多有意思的對話。 一路上,一手撐著雨傘,一手拖著女兒的小手,一邊行兩母女一邊傾下計,好開心終於可以送她上學。她的小手拖得我很實,我告訴她,第一日返學,有少少論盡是可以接受的,不過我們已經跟足通告收拾好書包,不用緊張。 五分鐘的路程原來很短,到了學校門口,見到老師們微笑的列隊歡迎,她也開始展露笑容。馬上幫她脫了雨衣,就和她揮手說再見,目送她進去,直至她的背影消失⋯⋯然後,才猛然想起,我忘記了拍下一張她第一天上小學的照片。轉身離去,趕快回公司上班,一路上,撐了傘,雨點還是滴落在我的臉上。 我的女兒長大了,上小學了。 HR Siri ???????????? ?HR Siri希望成為您的虛擬助理,一起面對生活中的種種挑戰。? ?如果大家在職場或家庭遇到甚麼趣事或煩惱,都可以告訴HR Siri。 ?歡迎在?下面留言,或者WhatsApp

  • 1
  • 2